Адрас: 222531, Мінская вобласць, г. Клецк, вул. Гагарына, 6
Тэлефон: +375 1793 55068
Электронны адрас: muzeikletsk@tut.by



Першыя крокі да стварэння ў Клецку гісторыка-краязнаўчага музея былі зроблены энтузіястамі яшчэ ў канцы 50-х гг. XX ст. У 1961 г. у Клецкай школе была адкрыта першая музейная экспазіцыя. Праз нейкі час побач са школай намаганнямі настаўнікаў і вучняў пачалося будаўніцтва музея. Яго фасад з'яўляецца копіяй паляўнічага доміка графа Румянцава з палацавага комплексу ў Гомелі. Будаўніцтва ішло амаль 10 гадоў. 1 верасня 1979 г. музей прыняў сваіх першых наведвальнікаў. З таго часу музей займаецца вывучэннем, асэнсаваннем і папулярызацыяй гісторыі і культуры Клеччыны, збірае і захоўвае культурныя каштоўнасці для будучых пакаленняў. Сёння ў фондах музея налічваецца звыш за 9,5 тысяч прадметаў (2012). Найбольшую цікавасць уяўляе калекцыя археалогіі, выстаўленая ў першай зале музея. Сярод экспанатаў - калекцыя фібул, жалезнае пісала XI ст., сярэдневяковая зброя, кераміка X - XVIII стст. У зале вайны прадстаўлена калекцыя зброі і рыштунку, фотаздымкі, дакументы ваеннага часу. Матэрыялы аб партызанскім руху на Клеччыне выстаўлены ў спецыяльна абсталяваным раздзеле "Партызанская зямлянка". Гонарам музея з'яўляюцца экспанаты зала "Яркіх імёнаў сузор'е" - асабістыя рэчы кляччан, якія праславілі рэгіён: прафесара медыцыны П. Лабко, пісьменніка Ул. Дамашэвіча, паэта Л. Галубовіча, вучонага-фізіка І. Коканя.

Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Дадатковыя крыніцы аб музеі:

Музей гісторыі Клеччыны. Ekskursii.by

Каляндар мерапрыемстваў


« Май 2017 »
ПндАўтСерЧцвПятСубНядз
1234567
891011121314
15161718192021
22232425262728
293031

Афiша мерапрыемстваў




®